ਖੂਬਸੂਰਤ ਦਿਖਣ ਲਈ ਸਿਰਫ ਚਿਹਰੇ ਦਾ ਹੀ ਨਹੀਂ, ਵਾਲਾਂ ਦਾ ਵੀ ਧਿਆਨ ਰੱਖਣਾ ਜ਼ਰੂਰੀ ਹੈ। ਸਰਦੀਆਂ ਦੇ ਮੌਸਮ ‘ਚ ਡੈਂਡਰਫ ਵਰਗੀਆਂ ਸਮੱਸਿਆਵਾਂ ਹੋਣ ਦਾ ਖਤਰਾ ਰਹਿੰਦਾ ਹੈ, ਜਿਸ ਕਾਰਨ ਵਾਲ ਕਮਜ਼ੋਰ ਹੋ ਜਾਂਦੇ ਹਨ। ਅਜਿਹੇ ‘ਚ ਲੋਕ ਕਈ ਤਰ੍ਹਾਂ ਦੇ ਇਲਾਜ ਕਰਵਾਉਂਦੇ ਹਨ, ਜਿਸ ਨਾਲ ਵਾਲ ਖਰਾਬ ਹੋ ਸਕਦੇ ਹਨ ਅਤੇ ਡੈਂਡਰਫ ਦੀ ਸਮੱਸਿਆ ਵੀ ਵਧ ਸਕਦੀ ਹੈ। ਇਸ ਲਈ ਤੁਸੀਂ ਕੁਝ ਘਰੇਲੂ ਨੁਸਖਿਆਂ ਨੂੰ ਅਜ਼ਮਾ ਕੇ ਡੈਂਡਰਫ ਦੀ ਸਮੱਸਿਆ ਤੋਂ ਛੁਟਕਾਰਾ ਪਾ ਸਕਦੇ ਹੋ।
ਲੌਂਗ ਦਾ ਪਾਣੀ : ਲੌਂਗ ਦਾ ਪਾਣੀ ਵਾਲਾਂ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਇਸ ਲਈ 3 ਤੋਂ 4 ਲੌਂਗ ਲਓ ਅਤੇ ਉਨ੍ਹਾਂ ਨੂੰ ਪੀਸ ਕੇ ਦੋ ਗਲਾਸ ਪਾਣੀ ‘ਚ ਉਬਾਲ ਲਓ। ਜਦੋਂ 8 ਤੋਂ 10 ਮਿੰਟ ਬਾਅਦ ਪਾਣੀ ਦਾ ਰੰਗ ਬਦਲ ਜਾਵੇ ਤਾਂ ਇਸ ਨੂੰ ਠੰਡਾ ਹੋਣ ਲਈ ਇਕ ਪਾਸੇ ਰੱਖ ਦਿਓ। ਹੁਣ ਇਸ ‘ਚ ਟੀ ਟ੍ਰੀ ਆਇਲ ਦੀਆਂ 4 ਤੋਂ 5 ਬੂੰਦਾਂ ਪਾਓ ਅਤੇ ਇਸ ਨੂੰ ਸਪਰੇਅ ਬੋਤਲ ‘ਚ ਭਰ ਲਓ। ਇਸ ਨੂੰ ਵਾਲਾਂ ‘ਤੇ ਸਪਰੇਅ ਕਰੋ ਅਤੇ ਸ਼ੈਂਪੂ ਕਰਨ ਤੋਂ 30 ਮਿੰਟ ਪਹਿਲਾਂ ਵਾਲਾਂ ਦੀ ਮਾਲਿਸ਼ ਕਰੋ। ਇਸ ਨਾਲ ਡੈਂਡਰਫ ਦੀ ਸਮੱਸਿਆ ਘੱਟ ਹੋਵੇਗੀ ਅਤੇ ਵਾਲ ਝੜਨੇ ਵੀ ਬੰਦ ਹੋ ਜਾਣਗੇ।
ਚੌਲਾਂ ਦਾ ਪਾਣੀ : ਚੌਲਾਂ ਦਾ ਪਾਣੀ ਡੈਂਡਰਫ ਦੀ ਸਮੱਸਿਆ ਨੂੰ ਦੂਰ ਕਰਨ ‘ਚ ਵੀ ਮਦਦਗਾਰ ਹੋ ਸਕਦਾ ਹੈ। ਇਸ ਲਈ ਚੌਲਾਂ ਨੂੰ ਪਾਣੀ ‘ਚ ਉਬਾਲਣ ਤੋਂ ਬਾਅਦ ਇਸ ‘ਚ ਮੌਜੂਦ ਪਾਣੀ ਨੂੰ ਠੰਡਾ ਕਰੋ ਅਤੇ ਫਿਰ ਇਸ ਨੂੰ ਇਕ ਬੋਤਲ ‘ਚ ਭਰ ਲਓ ਅਤੇ ਉਸ ‘ਚ ਇਕ ਚਮਚ ਦਾਲਚੀਨੀ ਅਤੇ 4 ਤੋਂ 5 ਬੂੰਦਾਂ ਬਦਾਮ ਦੇ ਤੇਲ ਦੀਆਂ ਪਾਓ। ਫਿਰ ਇਸ ਪਾਣੀ ਨੂੰ ਆਪਣੇ ਵਾਲਾਂ ‘ਤੇ ਸਪਰੇਅ ਕਰੋ ਅਤੇ ਮਾਲਿਸ਼ ਕਰੋ ਅਤੇ 30 ਮਿੰਟ ਬਾਅਦ ਆਪਣੇ ਵਾਲਾਂ ਨੂੰ ਧੋ ਲਓ। ਇਸ ਨਾਲ ਡੈਂਡਰਫ ਕਾਰਨ ਹੋਣ ਵਾਲੀ ਐਲਰਜੀ ਤੋਂ ਰਾਹਤ ਮਿਲੇਗੀ