ਪੈਰਾਂ ਦੇ ਇਸ ਦਰਦ ਤੋਂ ਰਾਹਤ ਪਾਉਣ ਲਈ ਰੋਜ਼ਾਨਾ ਪੇਨਕਿੱਲਰ ਦਾ ਸੇਵਨ ਤੁਹਾਡੀ ਸਿਹਤ ’ਤੇ ਵੀ ਬੁਰਾ ਅਸਰ ਪਾ ਸਕਦਾ ਹੈ। ਅਜਿਹੇ ’ਚ ਜੇਕਰ ਤੁਸੀਂ ਵੀ ਸ਼ਾਮ ਹੁੰਦਿਆਂ ਹੀ ਪੈਰਾਂ ’ਚ ਦਰਦ ਦੀ ਸ਼ਿਕਾਇਤ ਕਰਦੇ ਹੋ ਤਾਂ ਇਹ ਘਰੇਲੂ ਨੁਸਖ਼ੇ ਅਜ਼ਮਾ ਕੇ ਇਸ ਸਮੱਸਿਆ ਤੋਂ ਨਿਜਾਤ ਪਾਈ ਜਾ ਸਕਦੀ ਹੈ। ਆਓ ਜਾਣਦੇ ਹਾਂ ਕਿਵੇਂ–
ਗਰਮ ਪਾਣੀ
ਦਿਨ ਭਰ ਦੀ ਥਕਾਵਟ, ਪੈਰਾਂ ਦਾ ਦਰਦ ਤੇ ਸੋਜ ਘੱਟ ਕਰਨ ਲਈ ਤੁਸੀਂ ਪੈਰਾਂ ਦੀ ਗਰਮ ਪਾਣੀ ਨਾਲ ਟਕੋਰ ਕਰੋ। ਪੈਰਾਂ ਦੀ ਟਕੋਰ ਕਰਨ ਨਾਲ ਮਾਸਪੇਸ਼ੀਆਂ ਦੇ ਦਰਦ ਦੇ ਨਾਲ-ਨਾਲ ਪੈਰਾਂ ਦੀ ਸੋਜ ਤੇ ਥਕਾਵਟ ਵੀ ਦੂਰ ਹੁੰਦੀ ਹੈ। ਇਸ ਨੁਸਖ਼ੇ ਨੂੰ ਕਰਨ ਲਈ ਟੱਬ ’ਚ ਗਰਮ ਪਾਣੀ ਲੈ ਕੇ ਉਸ ’ਚ ਅੱਧਾ ਚਮਚ ਸੇਂਧਾ ਲੂਣ ਮਿਲਾ ਕੇ ਆਪਣੇ ਪੈਰਾਂ ਨੂੰ 10 ਤੋਂ 15 ਮਿੰਟ ਡੁਬੋ ਕੇ ਰੱਖੋ।
ਬਰਫ਼ ਦੀ ਟਕੋਰ
ਪੈਰਾਂ ਦੀ ਥਕਾਵਟ ਤੇ ਸੋਜ ਨੂੰ ਦੂਰ ਕਰਨ ਲਈ ਬਰਫ਼ ਦੀ ਟਕੋਰ ਵੀ ਬੇਹੱਦ ਅਸਰਦਾਰ ਹੈ। ਇਸ ਨੁਸਖ਼ੇ ਨੂੰ ਕਰਨ ਲਈ ਇਕ ਕਾਟਨ ਦੇ ਕੱਪੜੇ ’ਚ ਬਰਫ਼ ਬੰਨ੍ਹ ਕੇ ਇਸ ਨਾਲ ਪੈਰਾਂ ਦੀ ਟਕੋਰ ਕਰੋ। ਅਜਿਹਾ ਕਰਨ ਨਾਲ ਪੈਰਾਂ ਦੀ ਥਕਾਵਟ ਹੀ ਨਹੀਂ, ਸੋਜ ਵੀ ਦੂਰ ਹੁੰਦੀ ਹੈ।
ਸਰ੍ਹੋਂ ਦੇ ਤੇਲ ਨਾਲ ਮਾਲਸ਼
ਪੈਰਾਂ ਦੀ ਥਕਾਵਟ ਤੇ ਸੋਜ ਘੱਟ ਕਰਨ ਲਈ ਸਰ੍ਹੋਂ ਦੇ ਤੇਲ ਨਾਲ ਪੈਰਾਂ ਦੀ ਮਸਾਜ ਕਰੋ।
ਬੇਕਿੰਗ ਸੋਡਾ
ਪੈਰਾਂ ਦੀ ਸੋਜ ਤੇ ਦਰਦ ਨੂੰ ਘੱਟ ਕਰਨ ਲਈ ਬੇਕਿੰਗ ਸੋਡਾ ਦੀ ਵੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਇਸ ਨੁਸਖ਼ੇ ਨੂੰ ਕਰਨ ਲਈ ਚੌਲਾਂ ਦੇ ਪਾਣੀ ਨੂੰ ਉਬਾਲ ਕੇ ਉਸ ’ਚ ਬੇਕਿੰਗ ਸੋਡਾ ਮਿਲਾ ਕੇ ਇਸ ਦਾ ਪੇਸਟ ਤਿਆਰ ਕਰ ਲਓ। ਇਸ ਪੇਸਟ ਨੂੰ ਪੈਰਾਂ ਦੀ ਸੋਜ ਵਾਲੀ ਜਗ੍ਹਾ ’ਤੇ ਲਗਾਉਣ ਤੋਂ ਬਾਅਦ ਪੈਰ 10 ਮਿੰਟ ਬਾਅਦ ਸਾਧਾਰਨ ਪਾਣੀ ਨਾਲ ਧੋ ਲਓ।